विदेशीहरूको लागि विपद् न्यूनीकरणका प्वाइन्टहरू

１जापानको प्राकृतिक विपद्को बारेमा जानी राखौं

जापान एक प्राकृतिक विपद् (भूकम्प, सुनामी, ताइफुन, ठूलो वर्षा आदि) अति धेरै हुने देश हो। जून महिना देखि अक्टोवर महिना सम्म ताइफुन/ठूलो वर्षा धेरै हुन्छ। ठूलो विपद् उत्पन्न भएको बेलामा, दैनिक जीवनयापनलाई निरन्तरता दिन नसक्ने गरी विभिन्न क्षतिहरु हुने गर्छन् ।

２अग्रिम रुपमा तयारी गरौं

क्षतिलाई धेरै हद सम्म न्यून गर्नको लागि अग्रिम रुपमा तयारी गरौं

व्यक्तिगत तवरले गर्न सक्ने तयारी

फर्निचर आदि लड्न तथा ढल्नबाट रोक्ने

आपतकालिन अवस्थामा साथमा लिएर जाने झोलाको तयारी

पानी र खानेकुराको भण्डारण

आदि

स्थानीय तहमा गर्ने तयारी

स्थानीय बासिन्दाहरूसँगको सम्बन्धले विपद्को बेलामा ठूलो मद्दत पुर्‍याउँछ। आफू बस्ने क्षेत्रको विपद् रोकथाम नमूना अभ्यास तथा स्वयंसेवक जस्ता कार्यमा सक्रिय रुपमा सहभागी होऔं।

３विपद्को जानकारी चेक गरौं

विपद्को जानकारी प्राप्त गर्नको लागि सुविधाजनक एप्लिकेशन र वेबसाइट छ। अग्रिम रुपमा स्मार्टफोन आदिमा सेभ गरी राख्ने गरौं।

http://www.bousai.go.jp/kokusai/web/img/04_bousai_guidebook_Web_NP.pdf

विशेषगरी,ताइफुन आउने कुरा पहिला नै पूर्वानुमान गर्न सकिन्छ।

स्थानीय निकायहरुले आफ्नै तवरले बहुभाषामा सूचना सम्प्रेषण वा प्रवाह गर्ने व्यवस्था मिलाएको पनि हुन सक्छ। अग्रिम रुपमा जानकारी लिऔं।

नियमित रुपमा नजिकको आश्रय स्थल आदिको बारेमा जानकारी लिऔं।

４सुरक्षित रुपमा आश्रय लिने गरौं

विपद उत्पन्न भएको समयमा जोखिम ठाउँमा रहेका मानिसहरू सुरक्षित स्थानमा आश्रय लिनु सामान्य नियम हो। साधारणतया, प्राथमिक विद्यालय जस्ता सार्वजनिक भवनलाई आश्रय स्थलको रुपमा प्रयोग गर्न सकिने गरी तोकिएको हुन्छ।